Зеков Анатолий Николаевич

Галоўная Намiнанты Спiс аўтараў Зеков Анатолий Николаевич

Анатоль Мікалаевіч Зэ́каў (нар. 20 студзеня 1955; вёска Патапаўка, Буда-Кашалёўскі раён, Гомельская вобласць) – беларускі паэт, празаік.
У 1977 годзе скончыў гісторыка-філалагічны факультэт Гомельскага дзяржаўнага ўніверсітэта. Працаваў у рэдакцыі гомельскай раённай газеты «Маяк», потым – у Гомельскім райкаме камсамола: загадчыкам арганізацыйнага аддзела, другім сакратаром.
З 1980 да 1982 года – слухач Вышэйшай камсамольскай школы пры ЦК УЛКСМ (г.Масква). У Мінску працаваў інструктарам аддзела прапаганды і агітацыі ЦК ЛКСМ Беларусі. У 1991 годзе завочна скончыў Інстытут паліталогіі і сацыяльнага кіравання Кампартыі Беларусі. Палітолаг.
З 1985 года – у рэдакцыі маладзёжнай газеты «Чырвоная змена». Затым узначальваў мінскую гарадскую газету «Добры вечар» (1990-1996) і штотыднёвік «Сталіца», працаваў у газеце «Книга и мы» (1996-1997), быў галоўным рэдактарам «Беларускай лясной газеты» (1997-2002), намеснікам і в.а. галоўнага рэдактара часопіса «Вожык» (2002-2005), рэдактарам аддзела прозы – членам рэдкалегіі часопіса «Полымя» (2006-2009). Цяпер – у рэдакцыі часопіса «Вясёлка».
Член Саюза пісьменнікаў Беларусі з 1994 года.
Першы верш апублікаваў у газеце «Піянер Беларусі» ў 1969 годзе. Вершы Анатоля Зэкава перакладаліся на рускую, таджыкскую і чувашскую мовы. На асобныя з іх напісаны песні.

Прэміі і ўзнагароды:
Залаты купідон (2007; сатыра і гумар)
Літаратурная прэмія імя Васіля Віткі (2009)

Бiблiяграфiя:

«Боль сумлення» (1989)
«Дуэль» (1994)
«Дуэль-2» (1995)
«Аварыя сумлення» (1996)
«Вясельнае падарожжа ў Стамбул» (2000)
«Чатыры зярняткі» (2000)
«На арэхавым кані» (2003)
«Зона кахання» (2003)
«Па самую плешку»(2003)
«Лісты да цябе» (2005)
«Чарнобыльскі вецер» (2006)
«Кругі ў галаве» (2007)
«Мянтуз сярод мядуз» (2007)
«Алесь» (2007) – кніга ўспамінаў пра Алеся Пісьмянкова
«Промнік позірку твайго» (2008)
«Генеральскі нумар» (2011)
«Каханне на снезе» (2011)
«Зязюля Гулюля» (2011)

Адна сям’я – ад А да Я

Намінацыя: Лепшы твор для дзяцей і юнацтва (2018)

Аўтар: Зеков Анатолий Николаевич

Серыя заснавана ў 2016 годзе Мастак Л.Л. Качан

Выдавецтва: "Беларуская Энцыклапедыя iмя Петруся Броўкi"

Колькасць старонак: 36

У новай кнізе Анатоля Зэкава для дзяцей «Адна сям’я — ад А да Я» кожная літара прадстаўлена не проста вершам, а вершам-заданнем. Такім чынам, хлопчыкі і дзяўчынкі змогуць не толькі вывучыць літары беларускага алфавіта, а і пазнаёміцца з вялікай колькасцю слоў і самастойна дапоўніць іх спіс, выканаць тое ці іншае заданне ад аўтара азбукі.

Набыць кнiгу

Птушыныя арэлi

Намінацыя: Лепшы твор для дзяцей і юнацтва (2018)

Аўтар: Зеков Анатолий Николаевич

Мастак Алена Лось

Выдавецтва: Выдавецкi дом "Звязда"

Колькасць старонак: 48

Вы ведаеце, што здарыцца, калі раптам прападзе мяккі знак? А як дзяўчынку Іну пераўтварыць у Паліну жадаеце даведацца? А паспаборнічаць у тым, хто больш назаве беларускіх гарадоў, назвы якіх заканчваюцца на «ы», хочаце? Тады новая кніга Анатоля Зэкава «Птушыныя арэлі» для вас! Прачытаўшы яе, вы абавязкова пасябруеце з хлопчыкамі і дзяўчынкамі, звярамі і птушкамі, з якімі адбываюцца самыя неверагодныя прыгоды і пра якія распавядаецца ў гэтай вясёлай кнізе.

Набыць кнiгу

Прыгарадныя чайкі

Намінацыя: Лепшы твор (зборнік твораў) паэзіі (2019)

Аўтар: Зеков Анатолий Николаевич

Выдавецтва: "Харвест"

Мінскае гарадское аддзяленне ГА “Саюз пісьменнікаў Беларусі” вылучыла на ўдзел у Рэспубліканскім конкурсе “Нацыянальная літаратурная прэмія” у намінацыі “Лепшы твор (зборнік твораў) паэзіі” кнігу Анатоля Зэкава “Прыгарадныя чайкі” (Мінск, “Харвест”, 2018). Любоўю да радзімы і каханнем да жанчыны прасякнуты многія вершы Анатоля Зэкава. У цэнтры яго ўвагі – лёсы землякоў, блізкіх і родных людзей, з якімі ён сустракаецца, калі наведвае бацькоўскі кут – вёску Патапаўка Буда-Кашалёўскага раёна, дзе нарадзіўся, правёў дзіцячыя і школьныя гады і куды вяртаецца сёння пры кожнай магчымасці – наяве, у думках і, вядома ж, у вершах. Пісьменнік, які праявіў сябе ў розных літаратурных жанрах, не меней разнастайны і ў тэматычным плане, бо яго вершы могуць як прымусіць сур’ёзна задумацца над жыццёвымі рэаліямі, так і выклікаць лёгкую ўсмешку, узняць настрой нават у тыя хвіліны, калі на душы кепска.

Набыць кнiгу

Непаслухмяны Чмелік

Намінацыя: Лепшы твор для дзяцей і юнацтва (2020)

Аўтар: Зеков Анатолий Николаевич

Выдавецтва: Выдавецкi дом "Звязда"

З кнігі юныя чытачы даведаюцца, чаму зязюля гады лічыць, як Зорка стала Бярозкай, аб чым крычыць Сойка, чаму птушкі не сівеюць, за што Сароку называюць манюкай, а Чарапаху – лянівай. Кожная казачная гісторыя вучыць дзяцей быць добрымі, спагадлівымі і справядлівымі, перасцерагае іх ад дрэнных учынкаў. У зборнік таксама ўключаны пераклады казак розных народаў свету.

Набыць кнiгу

Нацыянальная лiтаратурная прэмiя